نیپال میں تباہ کن سیلاب کے بعد زمین سے کروڑوں کا خزانہ نکل آیا جس کو محفوظ مقام پر منتقل کر دیا گیا۔ غیرملکی میڈیا کے مطابق نیپال میں گزشتہ ہفتے آنے والے تباہ کن سیلاب نے تباہی مچائی سینکڑوں افراد ہلاک اور ہزاروں اب بھی لاپتہ ہیں تاہم اسی سیلابی پانی کے نیچے میں کروڑوں روپے کا خزانہ نکل آیا ہے۔ رپورٹ کے مطابق پولیس نے کئی گھنٹوں کی تلاش کے بعد تریشولی کے ایک بینک کا لاکرز تلاش کیا، جس میں سے 50 کروڑ نیپالی روپے مالیت کا سونا، ڈیڑھ کروڑ روپے نقد اور اہم دستاویزات برآمد ہوئیں۔
کارخانے کی توسیع کے دوران 2600سال پرانا قبرستان دریافت
پولیس نے لاکر ملنے کے بعد اس کو توڑ کر یہ تمام قیمتی اشیا برآمد کیں اور سب کو محفوظ مقام پر منتقل کر دیا گیا۔ تریشولی کے ایسے ہی ایک بینک سے نیپال پولیس نے تقریبا 50 کروڑ کا سونا، 1.5 کروڑ نیپالی روپے اور کئی اہم دستاویزات نکالے ہیں۔ نیپال پولیس کی جانب سے جاری ویڈیو میں دیکھا جا سکتا ہے کہ بینک سے نکالے گئے لاکرز کو جے سی بی مشینوں کے ذریعہ لے جایا جا رہا ہے۔ پولیس کا کہنا ہے کہ کرشی وکاس بینک کی تریشولی ڈھونگے شاخ سے تقریبا 1.5 کروڑ روپے نقد، تقریبا 50 کروڑ روپے کا سونا اور اہم دستاویزات محفوظ مقام پر پہنچائے گئے ہیں۔ اس حوالے سے ایک ویڈیو بھی جاری کی گئی ہے، جس میں نیپال پولیس کے اہلکاروں کو بینک کے بیسمنٹ میں داخل ہونے کے لیے مبلہ ہٹاتے دیکھا جا سکتا ہے۔
کینیڈا میں اچانک نمودار ہونیوالا جزیرہ غائب ہوگیا
واضح رہے کہ نیپال میں آئے تباہ کن سیلاب کے باعث عمارتوں اور گاڑیوں سمیت تمام چیزیں کئی فٹ نیچے ملبے میں دب چکی ہیں۔ سیلاب سے متاثرہ علاقوں میں کئی بینک بھی ملبے میں دب گئے ہیں۔ گزشتہ روز ایک بینک کی تجوری بہہ کر تریشولی ندی کے راستے دھاڈنگ پہنچ گئی تھی جہاں لوگوں نے اس کو توڑ کر نقدی نکال لی تھی،پولیس نے اس کی ویڈیو سامنے آنے پر 29 افراد کو مبینہ طور پر تجوری توڑ کر اس میں موجود نقد رقم نکالنے کے الزام میں گرفتار کر کے ان کے قبضے سے 92,68,505 روپے نقدی برآمد کی کی تھی۔