پاکستان تحریک انصاف (پی ٹی آئی) نے مجوزہ 28ویں آئینی ترمیم کی حمایت عمران خان کی رہائی سے مشروط کرنے کا فیصلہ کیا ہے۔ میڈیا رپورٹس کے مطابق، یہ فیصلہ 27 اکتوبر 2026 کو اسلام آباد میں ہونے والے پی ٹی آئی کی پارلیمانی پارٹی کے اجلاس میں کیا گیا، جہاں اس معاملے پر ارکان کے درمیان تفصیلی مشاورت ہوئی۔ ذرائع کے مطابق اجلاس میں اکثریتی ارکان نے مؤقف اختیار کیا کہ اگر پارٹی بانی عمران خان کو رہا کیا جاتا ہے تو پی ٹی آئی 28ویں آئینی ترمیم کی حمایت کر سکتی ہے۔
سہیل آفریدی سمیت 80 ملزمان کیخلاف ریڈیو پاکستان کیس میں چالان جمع
اجلاس میں عمران خان تک رسائی اور ان کے طبی علاج سے متعلق معاملات حل کرنے کے لیے چھ رکنی اسٹیئرنگ کمیٹی تشکیل دینے کا فیصلہ بھی کیا گیا۔ ذرائع کے مطابق اپوزیشن رہنما محمود خان اچکزئی اور علامہ راجہ ناصر عباس کمیٹی کی سربراہی کریں گے، جبکہ اس میں قومی اسمبلی کے دو ارکان اور سینیٹ کے دو ارکان بھی شامل ہوں گے۔ دوسری جانب، پی ٹی آئی کی پارلیمانی پارٹی کے اجلاس میں بعض ارکان کی جانب سے مزید مذاکرات کے معاملے پر اختلافات بھی سامنے آئے۔ ڈان کی رپورٹ کے مطابق اجلاس میں تقریباً 15 ارکان نے مجوزہ 28ویں آئینی ترمیم کی حمایت کے حق میں رائے دی، جبکہ دیگر ارکان نے مذاکراتی حکمت عملی پر تحفظات کا اظہار کیا۔ واضح رہے کہ پی ٹی آئی کی جانب سے مجوزہ آئینی ترمیم کی حمایت کو عمران خان کی رہائی سے مشروط کرنے کی اطلاعات سامنے آئی ہیں۔
سہیل آفریدی کی خیبرپختونخوا میں نئے ہسپتال قائم کرنے کی ہدایت
سہیل آفریدی اور گرفتار قیادت کو پشاور سے اسلام آباد منتقل کرنے کا امکان