برطانیہ کے قدیم ترین، بڑے اور مشہور درختوں میں شمار ہونے والا میجر اوک درخت مر گیا۔برطانوی اخبار دی گارڈیئن کے مطابق برطانیہ کے علاقے ناٹنگھم شائر کے شیر ووڈ جنگل میں موجود یہ عظیم الشان بلوط کا درخت کم از کم 1 ہزار سال پرانا تھا۔رپورٹ کے مطابق مسلسل گرم اور خشک موسمِ گرما کے باعث درخت شدید دبا کا شکار رہا اور اس سال اس پر ایک بھی نیا پتہ نہیں نکلا جس کے بعد ماہرین نے اس کی موت کی تصدیق کر دی۔ہر سال ہزاروں سیاح اس تاریخی درخت کو دیکھنے آتے تھے، 11 میٹر چوڑے تنے اور 28 میٹر پھیلی شاخوں والے اس درخت نے صدیوں تک مقامی لوک داستانوں اور کہانیوں میں اہم مقام حاصل کیے رکھا۔روایات کے مطابق مشہور کردار رابن ہڈ اور اس کے ساتھی ظلم کرنے والے شیرف آف ناٹنگھم سے بچنے کیلئے اسی درخت میں پناہ لیا کرتے تھے۔
پاکستان میں نوجوانوں کی تعداد 6کروڑ 70لاکھ ہوگئی
ووڈ لینڈ ٹرسٹ جس نے 2014 میں اسے ٹری آف دی ایئر قرار دیا تھا، ان کا کہنا ہے کہ درخت کو ضرورت سے زیادہ سیاحتی سرگرمیوں سے بھی نقصان پہنچا۔ادارے کے سینئر کنزرویشن ایڈوائزر ایڈ پائن نے کہا کہ اس درخت کا زوال ایک وارننگ ہے کہ آج ہم قدیم درختوں کے ساتھ جیسا سلوک کریں گے مستقبل میں ان کی بقا اسی پر منحصر ہو گی۔اگرچہ درخت اب زندہ نہیں رہا، تاہم اسے جنگلی حیات اور عوام کے لیے ایک تاریخی یادگار کے طور پر کھڑا رکھا جائے گا۔ماضی میں سیاح اس درخت کے بالکل قریب جا سکتے تھے اور اس کے کھوکھلے تنے کے اندر بھی داخل ہوتے تھے، تاہم 1970 کی دہائی میں اس کے اردگرد حفاظتی باڑ لگا دی گئی تھی، جس کے بعد اسے صرف فاصلے سے دیکھا جاتا تھا۔
جرمنی نے روزگار کے نئے مواقع کا اعلان کردیا، آج ہی اپلائی کریں
جان سینا کا پاکستانی فین سے محبت کا اظہار’ سوال کا دلچسپ جواب دیا