انکم ٹیکس گوشوارے جمع کرانے والوں کے پاس ورڈز اچانک تبدیل

ایف بی آر کی جانب سے تمام انکم ٹیکس گوشوارے جمع کرانے والے افراد کے پاس ورڈز تبدیل کر دیے گئے، جس سے ٹیکس گوشوارے جمع کرانے والوں کو شدید مشکلات کا سامنا ہے۔تفصیلات کے مطابق کراچی چیمبر آف کامرس اینڈ انڈسٹری نے فیڈرل بورڈ آف ریونیو کی جانب سے انکم ٹیکس گوشوارے جمع کرانے کے آخری دنوں میں پاس ورڈز کی اچانک تبدیلی اور آئی آر آئی ایس پورٹل میں تکنیکی دشواریوں پر شدید تشویش کا اظہار کیا ہے۔کراچی چیمبر آف کامرس کے صدر محمد ریحان حنیف نے ایف بی آر سے فوری طور پر سابقہ پاس ورڈز بحال کرنے اور گوشوارے جمع کرانے کی آخری تاریخ 30 ستمبرمیں کم از کم ایک ماہ کی توسیع کرنے کا مطالبہ کیا ہے۔ان کا کہنا تھا کہ ایف بی آر کی جانب سے تمام انکم ٹیکس گوشوارے جمع کرانے والے افراد کے پاس ورڈز تبدیل کر دیے گئے ہیں

سلاخوں کے پیچھے مہارت، ڈاکٹر یاسمین راشد کی کشیدہ کاری کے چرچے

جس کے باعث آخری دنوں میں ٹیکس دہندگان کو پورٹل تک رسائی اور گوشوارے جمع کرانے میں شدید پیچیدگیوں کا سامنا ہے۔بیرونِ ملک یا سفر میں موجود کم از کم 30 فیصد ٹیکس دہندگان نئے پاس ورڈ کے حصول میں مشکلات سے دوچار ہیں، اوورسیز پاکستانیوں کو نئے پاس ورڈز کے ایس ایم ایس موصول نہ ہونے کی وجہ سے ان کی پورٹل تک رسائی مکمل طور پر معطل ہو چکی ہے۔آخری دنوں میں آئی آر آئی ایس آئی  پر غیر معمولی دبا اور سسٹم اوور لوڈ ہونے کے باعث پورٹل بار بار کریش ہو رہا ہے۔ریحان حنیف نے تاکید کی کہ ایف بی آر فوری طور پر پرانے پاس ورڈز بحال کرے تاکہ تمام ٹیکس دہندگان بلا رکاوٹ اور بروقت اپنے گوشوارے جمع کروا سکیں۔

یورپ جانے کی خواہش، 4برس کے دوران 335 پاکستانی سمندر کی نذر ہوگئے

سہیل آفریدی پر نااہلی کی تلوار لٹکنے لگی، 9مئی کیس میں نامزد