شادی شدہ خواتین کے پاسپورٹ سے متعلق حکومت کا بڑا فیصلہ

حکومت نے پاسپورٹ پر شادی شدہ خواتین سے متعلق اہم فیصلہ کر لیا۔ حکومت نے شادی شدہ خواتین کو پاسپورٹ پر والد کا نام رکھنے کی اجازت دے دی۔ پاسپورٹ قوانین میں اہم اصلاحات اور خواتین کو قانونی شناخت میں خودمختاری مل گئی۔

عدالت کےحکم پر عملدرآمد کے بعد خواتین کو شناختی دستاویزات میں نیا اختیار حاصل ہو گیا ہے۔ لاہورہائیکورٹ کے احکامات کے بعد پاسپورٹ سسٹم میں تبدیلی کی گئی ہے محکمہ پاسپورٹ کا کہنا ہے کہ شادی شدہ خواتین اب پاسپورٹ پر والد کا نام برقرار رکھ سکیں گی جب کہ وزارت داخلہ اور قانون کی رہنمائی میں پاسپورٹ سافٹ ویئر اپڈیٹ کر دیا گیا۔