وزارت صحت نے وضاحت کی ہے کہ پاکستان میں ایبولا وائرس کے حوالے سے خطرات انتہائی کم ہیں۔ترجمان وزارت صحت نے کہا ہے کہ عالمی ادار صحت نے کانگو اور یوگنڈا میں حالیہ ایبولا وبا کی صورتحال کو عالمی ہنگامی صورتحال قرار دیا ہے اور ایبولا وائرس کا موجودہ پھیلا صرف افریقی ممالک کانگو اور یوگنڈا تک محدود ہے۔
بیان کے مطابق ڈبلیو ایچ او نے واضح کیا ہے کہ افریقا سے باہر کسی اور ملک میں ایبولا وائرس کا کوئی مریض رپورٹ نہیں ہوا۔ اسی طرح پاکستان یا ہمسایہ ممالک میں بھی کبھی ایبولا کا کوئی کیس سامنے نہیں آیا۔وزارت صحت کے مطابق متاثرہ افریقی ممالک سے محدود سفری روابط کے باعث پاکستان میں خطرہ انتہائی کم ہے۔ عالمی ادار صحت نے احتیاطی نگرانی بڑھانے کی ہدایت دی ہے تاہم کسی قسم کی سفری پابندیوں کی سفارش نہیں کی گئی۔انہوں نے کہا کہ وزیر صحت مصطفی کمال نے وائرس کے حالیہ پھیلا کے پیش نظر ملک میں پیشگی اقدامات کرنے کا فیصلہ کیا ہے۔
عوام کو وباں سے بچانے کے ل ئے موثر اقدامات کو یقینی بنایا جارہا ہے جبکہ وزارت صحت اور این آئی ایچ صورتحال پر مسلسل نظر رکھے ہوئے ہیں۔ترجمان نے کہا کہ وزیر صحت کی ہدایت کے مطابق ایبولا سے بچا ئوکیلئے ملک بھر کے ائیرپورٹس پر نگرانی مزید موثر بنا دی گئی ہے ۔ انٹرنیشنل ہیلتھ ریگولیشن کی سفارشات پر عملدرآمد کو یقینی بنایا جارہا ہے۔وزارت صحت نے تمام صوبوں اور بارڈر ہیلتھ سروسز کو الرٹ رہنے کی ہدایات جاری کردی ہیں جبکہ وزارت صحت اور اس کے ماتحت ادارے کسی بھی ناگہانی صورتحال سے نمٹنے کے لیے ہائی الرٹ ہیں۔
ترجمان کے مطابق این آئی ایچ پاکستان ایبولا کی تشخیص کی صلاحیت رکھتا ہے اور قومی ادار صحت کو تمام ضروری انتظامات یقینی بنانے کی ہدایت کردی گئی ہے۔وزارت صحت نے افریقی ممالک کا سفر کرنے والے شہریوں کو ہدایت کی ہے کہ وہ روانگی سے قبل متعلقہ ملک کی سفری اور طبی ہدایات ضرور دیکھیں۔ حکام کے مطابق پاکستان کے صحت ادارے عالمی ادار صحت کے تعاون سے صورتحال کی مسلسل نگرانی کررہے ہیں۔
یہ بھی پڑھیں