افغان طالبان کی سرحد پر بلا اشتعال فائرنگ، پاک فوج کا جواب، افغان چیک پوسٹ تباہ
افغان طالبان نے طورخم اورتیراہ میں پاک افغان سرحد پر بلااشتعال فائرنگ کی تاہم پاکستان کی سکیورٹی فورسز نے جارحیت کا فوری اور مؤثر جواب دیا جبکہ وزیراعظم شہبازشریف کے ترجمان برائے غیر ملکی میڈیا مشرف زیدی نے ایکس پر بیان میں کہا ہے کہ کسی بھی مزید اشتعال انگیزی کا فوری اور سخت جواب دیا جائے گا۔
سکیورٹی ذرائع کے مطابق جھڑپیں سرحدی علاقے کے تین مختلف پوائنٹس پر ہوئیں اور فائرنگ کا سلسلہ تقریباً ایک گھنٹے تک جاری رہا، پاک فوج کے تمام جوان محفوظ رہے جبکہ جوابی کارروائی کے دوران افغان فورسز کی ایک چیک پوسٹ کو نشانہ بنایا گیا
جو مکمل طور پر تباہ ہوگئی۔وزیراعظم کے ترجمان کے مطابق کسی بھی مزید اشتعال انگیزی کا فوری اور سخت جواب دیا جائیگا، ان شاء اللہ پاکستان اپنے شہریوں کے تحفظ اور اپنی علاقائی سالمیت کے دفاع کو جاری رکھے گا۔
مشرف زیدی نے کہا کہ کسی بھی مزید اشتعال انگیزی کا فوری اور سخت جواب دیا جائے گا۔انہوںنے کہاکہ پاکستان اپنے شہریوں اور علاقائی سالمیت کے دفاع کے لیے پُرعزم ہے۔