آپریشن سوئفٹ ریٹارٹ کو 7 سال مکمل
آپریشن سوئفٹ ریٹارٹ کو 7 سال مکمل ہوگئے، اس موقع پر افواجِ پاکستان نے اس تاریخی کارروائی کو خراجِ تحسین پیش کیا ہے۔پاک فوج کے شعبہ تعلقاتِ عامہ (آئی ایس پی آر) کے مطابق فیلڈ مارشل سید عاصم منیر اور سربراہانِ بحریہ و فضائیہ نے مشترکہ پیغام میں اس عزم کا اعادہ کیا ہے کہ قومی سلامتی اور علاقائی امن کے تحفظ کیلئے پاکستان کا عزم غیر متزلزل ہے۔ 27
فروری 2019 کو شروع کیے گئے آپریشن سوئفٹ ریٹارٹ کے ذریعے بھارتی جارحیت کا فیصلہ کن جواب دیا گیا، اس کارروائی نے افواجِ پاکستان کی پیشہ ورانہ مہارت، تیاری اور دفاعی صلاحیتوں کو نمایاں کیا۔ آئی ایس پی آر کا کہنا ہے کہ اس آپریشن نے مزید جارحیت کو روکا اور خطے میں تزویراتی توازن بحال کیا، قیادت نے اس موقع پر اس امر کا اعادہ کیا کہ افواجِ پاکستان ہر خطرے کا بھرپور مقابلہ کرنے کیلئے مکمل طور پر تیار ہیں۔
پاکستان اپنی خود مختاری کے تحفظ اور عالمی استحکام میں کردار ادا کرتا رہے گا۔