خیبرپختونخوا میں دہشت گردی واقعات کی سہ ماہی رپورٹ پولیس نے جاری کردی۔رواں سال کے پہلے تین ماہ کے دوران دہشتگردی کے 475 کیسز درج ہوئے ۔پولیس حکام نے صوبے میں دہشت گردی واقعات سے متعلق رپورٹ جاری کردی ہے ،
رپورٹ کے مطابق خیبر پختونخوا میں رواں سال کے پہلے تین ماہ کے دوران دہشتگردی کے 475 کیسز درج ہوئے، تین ماہ کے دوران فائرنگ کے161 واقعات جبکہ 70 ڈرون حملے رپورٹ ہوئے، گزشتہ 3 ماہ کے دوران بارودی مواد کے 54 دھماکے،27 دستی بم حملے ہوئے ہیں،
بھتہ خوری کے 28 کیسیز درج، اغواء کے 9 واقعات رپورٹ ہوئے، رواں سال ٹارگٹ کلنگ کے 32، اور 3 خودکش حملے ہوئے،بنوں میں دہشتگردی کے سب سے زیادہ 92 واقعات، شمالی وزیرستان میں 88 واقعات ہوئے، ڈیرہ اسماعیل خان 65، پشاور میں دہشتگردی کے 44 کیسیز رپورٹ ہوئے۔