سعودی عرب کے غاروں میں قدرتی طور پر حنوط شدہ چیتے دریافت
اپنی نوعیت کی پہلی دریافت میں شمالی سعودی عرب کے غاروں میں قدرتی طور پر حنوط شدہ 7 چیتے ملے ہیں۔جریدے نیچر: کمیونیکیشنز ارتھ اینڈ انوائرمنٹ نے نیشنل سینٹر فار وائلڈ لائف ڈویلپمنٹ کا ایک سائنسی مقالہ شائع کیا ہے جس میں مملکت کے غاروں کے اندر قدرتی طور پر حنوط شدہ چیتوں کی پہلی سائنسی دریافت کی دستاویز بندی کی گئی ہے
اور چیتوں کی دوبارہ آبادکاری کے پروگراموں کی حمایت میں اس کے سائنسی اشاروں کا تجزیہ کیا گیا ہے۔شائع شدہ مطالعہ وسیع فیلڈ سروے پر مبنی تھا جس میں مملکت کے شمال میں 134 غاروں کی تلاش شامل تھی جس کے دوران قدرتی طور پر حنوط شدہ 7 چیتے اور مختلف ادوار میں رہنے والے چیتوں کے 54 ڈھانچے کے باقیات دستاویزی شکل میں محفوظ کیے گئے۔